法言人|林夏薇15億山頂豪宅成焦點 笑言被不斷翻炒:生活低調

撰文:董欣琪
出版:更新:

無綫(TVB)劇集《法言人》自播出以來反應熱烈,今日(3日)一眾主演齊齊出席宣傳活動,活動上更公布喜訊,首兩周myTV SUPER 7天跨平台總直播點擊率達1,616,884觀看人次,暫成今年930線劇集點擊率冠軍!林夏薇(薇薇)在接受《香港01》訪問時亦直言好鼓舞:「非常多謝觀眾支持,自己都好鍾意呢個角色,啲人都會叫我田律師,嚟緊同金師爺(馬國明飾)嘅感情線都好有追看性。」

劇集收視報捷,林夏薇都好多謝觀眾支持。(梁碧玲攝)

除了忙著劇集宣傳工作之外,薇薇接下來將拍攝《逆天奇案2》,而她亦會閉關做準備:「都有啲壓力,始終有個『國民女友』嘅稱號,希望喺新一輯畀觀眾睇到阿Wing嘅成長啦。」薇薇同陳展鵬的感情線在上一輯留下伏線,觀眾都十分關注這對CP的發展,對此,薇薇就大賣關子:「呢個未透露得住,但係知道小方同我會有感情嘅瓜葛,都幾期待嘅。」

薇薇即將投入《逆天奇案2》拍攝,她與方力申在劇中有感情戲,再加上陳展鵬及馮盈盈,隨時變四角戀。(梁碧玲攝)

一向有在社交平台分享日常生活的薇薇,不時曬出15億山頂豪宅的內景,更掀起網民熱議,但她就笑言希望大家多關注自己的工作:「其實好耐都冇po,都係重複之前嘅新聞。其實我不嬲除咗工作之外,生活上都比較低調嘅,就算我之前po都係po啲做運動呀,同我啲狗狗嘅生活呀,都係我日常嘅生活,就唔會太過去討論嗰方面,當然唔想太focus喺嗰方面,演員始終都想大家關注工作,其實都冇諗咁多,因為都唔係專登po,我想帶出個正能量、健康,做多啲運動,而家多咗代言嘅活動,分享畀大家點樣修身,保持健康嘅體魄。」

薇薇的15億山頂豪宅成為網民關注焦點,但她就直言並不是特意曬豪宅,望大家多多關注自己的工作。(梁碧玲攝)

點擊睇薇薇豪宅環境:

+16