逆天奇案2｜方力申為生物教授角色減肥呻辛苦：一日食一餐

方力申（小方）今日（3/5）現身香港出席運動飲品系列體驗派對。小方透露將拍攝無綫新劇《逆天奇案2》，在劇中飾演一位生物學教授：而且深受學生喜愛，故監製要求他減肥：「今次監製對我要求都高㗎，所以都開始減緊肥，最慘係我而家都仲好食得，變咗都要忍口，定咗自己一日食一餐，而家成績都常算滿意㗎，照鏡都有信心嘅。不過我自己仍未滿意嘅，可能呢套劇唔使我除衫，變咗我冇咁大壓力，相比以往我要我除衫嘅話，我係會好大壓力低下，令我會有更大嘅動力去減肥嘅。如果能夠俾我再輕多3公斤就最好啦，不過日子仲流流長，套劇會拍到9月頭，所以我仲有時間可以減嘅。」