【ViuTV詭探】酒店內燒溪錢引起住客不安? 邵仲衡:誤會一場

撰文:鄺鈺瑩
出版:更新:
蔣祖曼同尹揚明都話酒店的戲份拍得最爽:「之前著住套西裝去郊外拍攝,都咪話唔辛苦,真係由頭濕到落腳!」

ViuTv新劇《詭探》快將播出,不過邵仲衡日前拍攝時就因為話試過喺拍攝現場(即酒店)進行燒溪錢、拜神等動作,搞到有關方面極為緊張,更表明:「如果在酒店範圍內進行「明火」是危險活動及違規,如果屬實,未來將拒絕ViuTv借場拍攝,因為酒店需確保客人安全為首要考慮。」好似好嚴重……不過,《詭探》監製Kevin就話絕無此事,而邵仲衡亦都表示係誤會一場:「我意思係呢套劇之前好多拜神情節,又點會於酒店內拜神?當日係拍緊安全屋戲份,根本用不着要拜神。而且酒店難得借出套房配合劇組拍攝,反而我們勁擔心整污糟地方為酒店帶來不便就真!」

除了借酒店拍攝之外,劇組亦搭建出一座「警署」,製作認真。

現在拍劇,講求實境,所以ViuTv的劇組亦斥資6位數搭建了一座「警署」廠景,邵仲衡笑言拉「肥仔賢」劉錫賢入警局之後,不用大迫供已經可以令他馬上認罪。「現場收音唔開得冷氣,加上天氣悶熱,肥仔賢拍完一日都冇咗幾磅肥膏,所以導演一停機佢就攬住個冷風機係咁吹!」。

劇中飾演變態降頭師的劉錫賢,表示最辛苦是戴眼鏡做戲:「天氣熱我唔怕,最怕太熱眼鏡有霧氣變咗坤哥咁,大佬孝(邵仲衡)叫我今日當做高溫瑜珈,真係瘦到幾磅!不過聽佢講原來之前有酒店戲及九龍塘大宅咁高級場景,最衰冇我份!如果拍續集我一定向監製求角色由邪變忠,可以同佢地齊齊享受下。」

實境同廠境拍攝對劉鍚賢來說,都係得個「熱」字。