徐肇平進軍做youtuber？　考慮孖住媽咪黃淑儀拍片煮嘢食

徐肇平晚上出席一間餐廳的素食漢堡發佈會，早前忙於拍攝ViuTV劇集《瑪嘉烈與大衛系列—前度》的他最近都在休息階段，熱愛與好兄弟自拍短片到網上平台的他當然不放過機會，搞搞新意思。

他透露最近與好友周志文及周志康已經拍好一條短片，內容亦相當生活化，就是講述現時市面上的外賣速遞到會商的速度，「我地搵到一間餐廳真係用齊咁多間外賣速遞，其實好多時候都會用到佢地送外賣。原來每間都有唔同價錢，我本身都唔知。」提到有咁多諗頭，會否邀請媽咪黃淑儀一齊拍「煮嘢食」片？他笑言有諗過，「但未問媽咪，希望佢肯應承我啦！」