咁你都唔識｜林鈺洧上遊戲節目自嘲似電視機：唔識講大話

林鈺洧（Denice）今日（10/5）現身電視城出席無綫綜藝節目《咁你都唔識》錄影。Denice表示：「今次玩呢個遊戲節係要鬥志鬥力，而且每位嘉賓都可以帶一個素人朋友上嚟一齊玩，而呢個遊戲節目其實要兼備口才同演技，喺呢方面我就差少少，尤其係要我講大話，因為我一講大話就會好似部電視機咁，啲人一望就知我講大話，變咗今次我就特登搵咗我由中一已經認識嘅好朋友上嚟幫我助陣。而我好感激佢肯捱義氣上嚟陪我玩，始終佢唔係圈內人，對鏡頭係好唔習慣。」