黎燕珊520牛一 子女送上驚喜移師日本慶祝：佢哋好有心
撰文：吳子生
出版：更新：
黎燕珊現身尖沙咀出席無綫劇集《法言人》慰勞宴。（葉志明攝）
黎燕珊（珊姐）今日（17/5）現身尖沙咀出席無綫劇集《法言人》慰勞宴。
同劇演員大合照。（葉志明攝）
珊姐透露每年5月份是她個人大豐收，既是母親節又是生日月，過兩日便與子女飛到日本慶祝生日：「而家啲仔女都大晒，而佢哋好有心，話準備神秘獎賞我，準備同我移師到日本東京慶祝我嘅生日，阿女仲話會喺我生日當天5月20日，安排我對住個富士山食早餐鋸扒，真係好期待。今次我哋都係過去玩5日就返香港，始終佢哋有工作在身，變咗就唔可以玩得耐。雖然旅程時間係短，但難得一家人可以聚埋一起去旅行，真係好可貴，因為數數手指，我哋都有成15年冇一齊去過旅行。」
珊姐透露過兩日便會和子女一起到日本旅行慶祝生日。（葉志明攝）