陳靜赴倫敦藝術大學讀設計 最想進修演技：18000蚊讀1個月
撰文：林通賢
出版：更新：
DaDa當年憑《低俗喜劇》攞到金像獎〈最佳女配角〉，不過她覺得自己演技不足，好想去英國進修演技，所以今次先學好英文及設計，下次就想讀戲劇。
唐詩詠找法國戲劇大師Philippe Gaulier學戲，其實陳靜DaDa最近亦去了英國進修，她在University of the Arts London修讀Design和英文，每朝都一早爬起身上堂，她接受《香港01》訪問時說：「係一個短期課程，我下個月就返嚟，今次喺讀design同英文，因為我好想進修戲劇，但佢一年就得兩班，要讀就要撞啱時間，同埋佢需要英文程度比較好先可以讀，所以我一有時間就請假過嚟學英文，學到幾多得幾多，到真係讀戲劇嗰陣可以聽得多啲。所以今次讀呢個先。」
呢幅就係DaDa其中一份功課，用剪貼去設計一間屋，睇下後面嘅環境，feel 唔feel到英國陣味，呢到讀書係正嘅....
DaDa從做學生妹，每日都一朝早起身上堂,今次仲有閨蜜陪她讀書，認真寫意，她說:「我喺香港都有跟甄詠蓓老師學戲，我覺得進修好緊要，咁你先會有提升，同埋知自己不足，呢到就18000讀兩個課程，為期一個月，而家每晚都筋皮力盡咁訓， 每日都精力充沛地起醒來，這就是最好的生活。」真係羡慕那些鬼仔，可以同DaDa一齊上堂。
+3