姜濤被古巨基笑「傻佬」 迫自己睇叱咤表演片段:嗰3分鐘好漫長

撰文:程嵐風
出版:更新:

古巨基(古Sir)與姜濤去年合唱《愛回家》後,昨晚(3日)一齊在網上音樂節目《Music Panda》現身,節目內共唱了八首歌曲,古Sir挑選了姜濤原唱的《Dear my friend,》來悼念離世好友錢國偉,場面感人。

古Sir挑選了姜濤原唱的《Dear my friend,》來悼念離世好友錢國偉。(影片截圖)
姜濤被古巨基笑係「傻佬」。(影片截圖)

姜濤演繹古Sir經典作《致少年時代》,感嘆入行前年少無知懵懂感覺已不復再,坦言很想念初入行不需要三思而後行的自己,古Sir指他認識的姜仔是一個傻佬,笑說:「佢(姜濤)有時急住講嘢,佢話『基仔呀我覺得不如咁咁咁』唔夠半分鐘佢又話『唔好意思呀,我頭先唔應該叫基仔,古Sir唔好意思呀!』」在旁的姜濤笑到彎晒腰,古Sir再笑謂:「我喺工作群組傳錄音,佢俾反應唔係打字又唔係貼圖喎,而係敷mask嘅相。」大讚他仍然單純可愛。

姜濤曾經叫古Sir做基仔。(影片截圖)
姜濤都笑到彎晒腰。(影片截圖)

提到入行後最開心及最沮喪事情,古Sir賣口乖指「梗係識到我老婆啦」,姜濤則指五年前奪得《造星》冠軍,和憑自己作品《蒙著嘴說愛你》站上叱咤頒獎台得到認同覺得最開心!不過談到沮喪事,他不諱言是今年1月1日的叱咤頒獎禮事件,他說:「嗰晚、嗰幾日我未知件事去到咁,未意識到件事咁,只知唔唔係幾好。但突然睇IG、Facebook,嘩,嗰個報道可以用見海量式嚟形容。我平時去開維園打波跑步,但嗰段時間唔敢去,好驚人哋望住我,會低頭… 我唔敢睇嗰個表演,過一個月先敢睇,有日喺屋企坐定定,嗰個moment迫自己一定要睇,客觀地審視,我唔可以逃避呢樣嘢,一定要搵到唔好嘅地方係乜嘢。跟住坐喺度睇,嘩死,嗰個感覺係(慨嘆),睇嘅時候唔誇張,但睇完低頭唔得迫自己繼續睇,睇完,嘩,嗰三分鐘真係好漫長!」姜濤選擇不逃避,成功過了一關,之後選擇刪取所有社交媒體,專注工作。他坦言當時預料會失去很多東西,甚至由零開始,直至花姐告知他今年會舉行演唱會,他珍惜這個機會再努力調教好自己。

姜濤話最開心同最沮喪都係叱咤。(影片截圖)