【不懂撒嬌的女人】王浩信自彈自唱冧死絲打：練咗3星期扮唱得差
撰文：林通賢
出版：更新：
王浩信自彈自唱這一幕，唔少絲打都覺得好感動，但原來王浩信練咗3星期。（網上截圖）
《不懂撒嬌的女人》早前一班女角搶鏡，這星期就到男角發揮了，先有身高188cm游生袁文傑爆紅，昨日就到Saving哥王浩信發威， 劇中對她深情地對著唐詩詠自彈自唱《陪著你走》，令到絲打看得心動，當然男友就辛苦了，每個都想男友好似Saving 對住自己唱歌，觀眾看得輕鬆，但王浩信其實下了不少苦功，他接受《香港01》訪問時說：「我練咗3個星期，聽得最多嘅係我個女，佢𠲖家係我頭號fans，佢好迷我㗎，！一練歌呢，佢就碌大對眼望實我，成個人唔識郁咁，好攪笑㗎！」
王浩信為做好這場戲，在家花了三星期媡習。
當然亦有網友覺得王浩信唱得麻麻，更說他是歌手出身，應該唱得好聽十倍，現在還好意思說練了三星期?網友們，王浩信今次飾演的是Saving哥，劇中是一位不懂唱歌的平民，沒可能唱到歌手一樣，他說:「我本身係識少少嘅，但因為Saving呢個角色佢應該唔會彈得叻，佢應該係要「甩甩cut cut 」咁樣先啱先自然，呢場戲唔係要佢唱到好完美，而係要俾Cherry(唐詩詠飾)feel 到佢嘅誠意，所以都要花唔少時間，又要唱到少少，但又要甩甩地，咁先得。其實之後會唱多次，應該係23集25集左右。」睇嚟Saving哥有排玩喎！
+6