樂易玲為建築師前夫陳君毅打點後事 受訪難掩哀愁透露遺願
撰文：洪曉璇
出版：更新：
TVB高層樂易玲建築師前夫陳君毅於5月26日驚傳離世，享年66歲。6月12日在香港殯儀館設靈出殯，樂易玲亦早早到場送最後一程，接受訪問時都難掩哀愁。
TVB高層樂易玲建築師前夫陳君毅於5月26日驚傳離世，享年66歲。
樂易玲在6月12日10時20分左右到達靈堂，11時左右到殯儀館門口接受傳媒訪問：「百感交集，第一次自己咁親嘅屋企人離開，兩個囝囝等陣就到，都明白嘅，大仔有啲緊張因為要同親友講嘢，兩個都無咩胃口，不過答應咗我佢地唔會喊。（兩個仔都有同佢聯絡？當時話細仔喺你地離婚唔開心）食飯啦，正常小朋友感覺，無人想屋企破碎，但大咗都會接受始終係家人。」
樂易玲到殯儀館門口接受傳媒訪問仍難掩哀傷。（陳順禎攝）
儀式以基督教安息禮進行，原來是陳君毅所指定：「（有無咩遺願？）因為好突然，我去到醫院佢已經昏迷，因為今次我地同佢幾位好友一齊盡快幫佢安排後事，有同朋友講過將來有事想基督教儀式因為想返天家，所以就跟佢意思，今日全部只有親友同事低調處理。」
樂易玲一早到殯儀館幫忙打點。（陳順禎攝）
樂易玲透露陳君毅遺願。（陳順禎攝）
訪問過後，樂易玲陳君毅兩名兒子，二子Ryan 陳彥義（左）與大仔Adrian 陳衍丞（右）抵達靈堂。（陳順禎攝）