煮東煮西｜黃浩然愛妻莫家嘉首次做「煮持人」：緊張到兩晚冇瞓過
撰文：吳子生
出版：更新：
黃浩然愛妻莫家嘉（本身是著名造型師，同時亦是藝人形象顧問，但今日（20/6）以嶄新形象示人，以「煮主持」人身分現身西貢為無綫烹飪節目《煮東煮西》開工。對於首次亮相做節目教煮好餸，家嘉接受《香港01》訪問時表示：「其實呢個係我做嘅第一個做嘅電視節目嚟，變咗我係好緊張，緊張到喺開工前，我係兩日冇瞓過，不斷係咁記啲步驟。其實過往我都有做直播教人煮餸，但我係唔講嘢嘅，同埋我係冇見樣，但今次我做呢個節目我係要露面見人，加上又要講嘢又要望鏡頭，變咗我要兼顧好多嘢，我係需要啲時間去適應，而我老公佢都有安慰我，叫我唔好俾自己太大壓，叫我放鬆啲。不過對於我嚟講，對住鏡頭煮嘢食之餘又要講嘢，其實一啲都唔容易。」
犀利人妻莫家嘉煮得一手好餸，老公黃浩然大飽口福。（梁碧玲攝）
莫家嘉(右二)首次以「煮持人」身分亮相無綫烹飪節目《煮東煮西》教煮好餸。（梁碧玲攝）