蘇永康為2個月大囝囝報playgroup 報讀英國名校入場費要預200萬
撰文：溫菁莉
出版：更新：
3月中喜獲麟兒升呢做爸爸的蘇永康，雖然要忙着湊仔但都要努力搵奶粉錢，昨日適逢母親節阿公就到澳門開騷舉行《蘇式情歌演唱會》，而老婆、仔仔、岳母及蘇媽媽都有去捧場。阿公在演唱會中就特別唱出張國榮的經典歌曲《追》獻給老婆及仔仔Jazz，可惜仔仔由阿公一開場喊到完場，而太太因要照顧他未能睇騷，二人雖然無緣聽爸爸唱歌，相信返到屋企，阿公一定會唱多次冧太太嘅!!
估唔到囝囝只有兩個月大，蘇永康已為他的入學問題煩惱。
阿公指已經與太太決定讓仔仔8至10個月大就入讀playgroup。
雖然仔仔只有兩個月大，阿公已為仔仔入學問題而煩惱，真係名副其實的廿四孝爸爸，有見及此他已幫仔仔報讀playgroup，真係要「贏在起跑線」。阿公透露仔仔出世幾日，好友梁芷珊已經帶了一疊報名表給他，所以他與太太決定當仔仔到8至10個月就入讀playgroup，笑言現時才知道學費咁貴，「有人同我講即將開的英國學校入場費2百萬港元，真係好貴！其實我都唔係好識。」
已有4歲仔仔Torres的楊千嬅，阿公直言要約對方做明燈教路。(視覺中國)
與楊千嬅分屬好友的阿公，直言千嬅一宣傳完電影後，馬上要約對方做明燈教路。其實早前千嬅亦有被傳媒影到帶仔仔Torres到加拿大國際學校面試，她當時表示認為國際學校的課程比較適合仔仔，但就無刻意幫Torres操練面試，並希望仔仔的童年是健康和開心就可以。