《警訊》堅哥御用女友正職係化妝師 專演受害人:現實中我好醒㗎

撰文:
最後更新日期:

Toby與堅哥這個組合,真是充滿火花。(Facebook圖片)

最近人稱「警訊堅哥」因為高空擲物一案飾演拜金老竇,而聲名大躁。如果大家留意的話,《警訊》的御用演員除了堅哥之外,還有自稱「老闆娘」的Toby。Toby就與堅哥相反,大多數就做開受害者,《香港01》就此問過Toby,她笑說:「曾經都收到啲假嘅入境處電話......其實我個樣生得比較善良, 所以多數做畀人呃,但現實生活中我好醒目㗎!」Toby的外貌不止善良,其中一集她飾演老闆娘,要當街發火,就被網民大讚:「發火都發得靚過人。」聽得Toby都非常開心,仲話要多謝網友。

Toby其實都幾靚女。(Facebook圖片)

Toby之所以成為《警訊》的「御用受害人」,源於警訊之花Heily介紹入行:「當時諗住試下玩下,我自己都有正職係做化妝師,當多份part time ,而家已經入左港台3年幾。」近期網民多了留意《警訊》及一眾演員,睇完都話劇情好笑,Toby笑言拍的過程都有相似感覺:「我有時自己睇劇本都忍唔住笑,拍個時都要忍住笑,好多時我地都會拍啲搞笑劇情,希望觀眾睇得開心,又容易入腦, 慎防受騙。」Toby目前都好享受在港台拍警訊,仲話有機會都想做全職演員。

Toby與堅哥合作無間,今次做對方個女,上次就做對方條女,但係堅哥有家室㗎喎,怕唔怕堅哥老婆呷醋呀?她說:「唔會怕佢老婆呷醋,我都識得堅哥老婆。」明白要親熱都是劇情需要,而且Toby大讚對方是好前輩:「我同堅哥應該唔算螢幕情侶呀!話晒佢今次都做我老豆。不過又唔會悶,每次拍攝過程我地都好開心,堅哥係好好嘅前輩,不時都會教我哋做戲,點樣可以係短短幾分鐘嘅片再做好啲,所以每次拍攝都有收穫,絕對唔會悶。」相信經過今集《警訊》出街後,將來會有更多人留意他們。

好恩愛。(Facebook圖片)

有初戀的感覺。(Facebook圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。