3歲細路贏填色比賽超班？　呂慧儀嘲笑自欺欺人：贏到都唔係榮譽

怪獸家長流行一句「贏在起跑線」，無論是考試或比賽，都務必要囝囝囡囡贏得第一名，至於用什麼手段，卻往往口說一套，私底下是另一回事。近日網上瘋傳一個填色比賽的賽果，更將作品公開，但有家長發現幼兒組的冠亞季軍作品，無論陰影位、用色及背景，也似是出自成年人的手筆，絕非幾歲的小朋友能夠完成，因此引來一班家長議論紛紛，認為賽果十分不公平。

無綫女藝人呂慧儀，跟丈夫黃文迪，育有一名2歲囝囝黃柏翹（Anton），她接受《香港01》訪問，「這些情況其實真是幾普遍，不要說填色比賽，其他好似學校的飾物設計比賽呀，甚至是功課都是家長做的。（家長代子女比賽，你認為公平嗎？）這件事要睇下家長的諗法囉，這樣攞到獎都不是honor啦，根本是自欺欺人。如果係我，會由得個仔自己做，當然我都會協助下嘅。（讓囝囝自由發揮，不怕就此輸了比賽嗎？）這個世界是有贏有輸的，不可以下下都贏，都要學習面對失敗。」

說回那個填色比賽，不少網民都懷疑勝出的參賽作品，其實出自家長之手，呂慧儀會否覺得這種行為，跟行騙沒有兩樣。她回應指：「其實我反而更關心那個小朋友的成長囉，不過始終是人哋屋企的事，他們怎樣教小朋友是自己主導，其他人可以點？唔通鬧佢哋呀，我都係顧掂自己先啦。不過我自己都會反省下，平時自己都唔應該係咁。」

至於有3年畫齡的女藝人，前HotCha成員張紋嘉（Crystal），看過該填色比賽冠亞軍的作品後，她說：「要幾歲的小朋友做到，真係有啲難，我一睇仲以為係大人油嘅添，顏色的陰影都畫得好仔細、好真，幾歲小朋友不會掌握到這些立體感，見到這兩幅作品，我覺得好出類拔萃，好突出囉。」

有網民質疑參賽作品出自家長之手，Crystal表示：「我哋唔係當場睇住，究竟是個小朋友自己畫，抑或是有人教佢，又好難講嘅，而賽事的評判都只是用肉眼睇幅作品，純粹論畫作好難唔俾佢囉。（若果是家長出手？）希望家長不要為了贏，而太control個小朋友，不過我都知真實情形的，現在都有家長幫小朋友做功課啦。」其實家長在教導小朋友要誠實的時候，卻不懂以身作則，往往是會令小朋友無所適從的。