中年好聲音2｜周吉佩力勸男歌手參賽成功感開心：我哋認咗十幾年

周吉佩（吉吉）今日（29/6）現身新蒲崗出席無綫節目《大笪地唱不停》錄影。提到《中年好聲音2》已進行第二輪海選，參加人數比上屆多，反應非常熱烈。吉吉受訪時表示：「其實當中有一位我認識咗十幾年嘅朋友，我係花咗好多時間，不斷係咁去說服佢，因為本身佢係男歌手嚟。而喺我上季比賽緊嘅時候，我已經叫佢去參加，講到終於有第2季嘅時候，佢終於報咗名，我係好感動同埋好開心。嚟近仲有第3輪海選，到時大家會見到佢。我知佢要面對比賽都總會有好大壓，但無論點都好，佢嘅實力不用懷疑，我對佢非常有信心，佢係夠晒資格入圍。」