死有對証｜高級警員馬貫東法醫陳曉華拍劇鬧足15集：嘥大家時間
撰文：吳子生
出版：更新：
馬貫東和陳曉華（Hera)今日（30/6）現身將軍澳電視城出席無綫新劇《死有對証》造型記者會。馬貫東透露在劇中飾演一名高級警員，經常與飾演法醫的陳曉華因意見不合而發生磨擦：「其實我同佢頭15集都會成日有拗撬，我唔係唔信佢啲報告，但有啲嘢佢就成懶醒，即係有啲嘢，牛骨同豬骨咁，一睇就知分辦得到，就真係唔明啲人點解又話要攞返去化驗，喺度嘥大家時間。」
陳曉華和馬貫東今日出席新劇造型記者會。（葉志明攝）
身為法醫的Hera接著說：「其實當我接到呢個角色嘅時候，真係好開心可以做到醫生，因為之前我讀護理系，我對解剖學同病理系我係最鍾意，變咗今次令我又可以做功學，睇返之前學過嘅嘢。不過今次呢個角色最大挑戰係講我有強迫症，變咗我早半個月前，我就強迫自己要整齊啲，因為過往我個人生活習慣好懶，平時咩到唔理，屋企嘅嘢又唔執周圍都好亂，變咗今次呢個角色令我改變咗好多，係變得好整齊，同埋眼見好多嘢都會好唔順眼，搞到我要走去執，我先會安樂。」
陳曉華在劇中演法醫角色。（葉志明攝）
馬貫東在劇中演一名高級警員。（葉志明攝）