姚焯菲由紐西蘭返港竟大變樣？　讚好食好住：覺得比以前瘦咗啲

姚焯菲（Chantel） 今日（7/7）出席奧海城《感受澳門樂無限路展》活動。Chantel透露剛從紐西蘭回港一個星期，便火速投入工作：「我離開香港都一段時間，我係好掛住香港，我一返到嚟就最想去食自己鍾意嘅餐廳，但係冇時間去，因為我要去日本拍新歌MV。不過公司都好好有安排休息時間我嘅，今次返嚟我逗留三星期之後又要走，所以呢段時候好想見吓香港啲朋友。（覺得自己有冇改變？）覺得自己成熟咗。（紐西蘭是否好食好住？）嗰邊真係好食好住，不過我就覺得比以前反而係瘦咗啲。（嗰邊有冇心儀對象？）冇呀，我喺嗰邊係讀女校。（冇同男仔出街？我唔會話畀你爸爸知喎！）哈哈，真係冇。」