注意!坤哥JW新歌又有Renci楊偲泳 運動女神收埋身材做大肚婆

撰文:
最後更新日期:

《原來只因深愛著》是坤哥和JW合唱的新作。(MV截圖)

兩大當紅歌星JW王灝兒和吳業坤攜手合作的新歌《原來只因深愛著》MV在昨日終於面世,睇個歌名就知道就知係佢兩個嘅成名作《矛盾一生》和《原來他不夠愛我》的合體版。今次MV可謂人材濟濟,除了兩位歌手之外,還有之前已經合作過的蔡穎恩(Evelyn)、陳卓宏(Dickson)、蘇尚瀛和楊偲泳(Renci Yeung)。

Renci自從《矛盾一生》後便被人力讚演技,今次佢做大肚婆。(MV截圖)

提到Renci,作為網絡女神,憑住樣靚身材正,一出場就得到大量網民熱捧。Renci自中學畢業後便進入娛樂圈,第一個拍攝的MV是許志安的《流淚行勝利道》,不過最廣為人知的當然是《矛盾一生》。現在則加入了ViuTv,主力做主持,包括而家正在播放的《404之異國二域》也有她份。不過她最令網民注目的不是她的演出作品,而是傲人的身材,加上甜美的臉孔,所以贏得「女神」這個稱號。那麼坤哥又覺得佢如何呢?他好直接地說:「正,mv入面個個女仔都正架。其實之前同Renci喺《第一次告別》都已經合作過,對佢略懂一二,唔係太深入。」

+8
+7
+6

至於喺MV在入坤哥又係一個悲慘角色,對於自己角色又係無女,他說:「都唔係慘嘅,慣咗喇其實,拍咁多個MV都無試過啲乜嘢,女主角係有,但係sweet嘅嘢真係未做過。呢個MV其實係有幾個角色喺度,當觀眾投放喺唔同嘅角色入面,就係會有唔同嘅感受,同埋好突出。如果大家睇過之前兩隻歌嘅MV,其實每個人都會搵到自己想要嘅嘢,但每個人遇到從前嘅嘢都會有感覺,不過最後都係放低咗。」至於首歌仲會唔會有續集,坤哥就表示睇吓大家反應先再決定喇。

坤哥真係慘,希望遲啲導演會俾啲親熱鏡頭佢喇。(網上圖片)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。