【蘭花劫】田蕊妮入無綫處女劇終於出街 等足十年：我唔夠卡士？
撰文：林通賢
出版：更新：
田蕊妮話高層鬥爭自己從來唔知情，所以亦唔會諗，態度正確。
無綫10年前劇集《蘭花劫》，將會緊接《不懂撒嬌的女人》出街，點解這套劇被封塵10年?真係咁正要擺10年?不是威士忌吧?越耐越醇。今日田蕊妮出席《蘭花劫》活動，她表示當年亦因為這套劇不播映而不開心，她說:「當年有少少唔開心，因為拍嘅時候好辛苦，我哋真係去藍田石礦場揼石仔，嗰到好熱㗎，又去域多利監獄拍，真係好似坐監咁款，嗰陣知唔播，我會諗係咪因為我做得唔好呢?我係咪唔夠卡士呀?所以唔播呀?但我估都係公司決定啦。真係有唔開心，拍咗梗係想有人睇。」
《蘭花劫》田蕊妮為過檔無綫得第一套作品，但要10年後的今日先出街。
《蘭花劫》10年後出土，令人有不少忖測，是滄海遺珠還是權力鬥爭下的犧牲品呢？關於這個問題連視后阿田都答唔到，她說：「當年唔播我都揾唔到原因，我就真係唔知咩事?高層嘅事我唔理㗎，我唔知係咪有咁嘅事?還是係後創作啦？但永遠考究唔到嘅嘢，我係唔會花精神同時間去諗。」呢個真係最聰明答案，唔知永遠最安全。