羅志祥相隔4年來港大批歌迷接機 傳擔任粉絲姜濤個唱尾場嘉賓
撰文：金秀玲
出版：更新：
「亞洲舞王」羅志祥（小豬）早前於台北小巨蛋完成個唱，下月更將來港出席慈善騷《星光熠熠耀保良》，擔任愛心大使，更有指他有計劃來香港開演唱會，正密密試水溫。但原來香港粉絲無需等到9月，就已經可以見到小豬，他今日（5/8）下午坐飛機來香港，獲大批粉絲接機，戴住黑超的小豬今次相隔4年到港，沿途跟歌迷有講有笑。
小豬相隔4年再來香港，獲大批粉絲接機。（IG@pegpeg825）
小豬與粉絲有講有笑，其後登上保姆車離去。（IG@rachel_showw）
小豬最新的IG post，亦透露自己在香港。（IG@showlo）
據知小豬此行是應邀為「粉絲」姜濤的尾場演唱會做嘉賓，姜濤一向都是小豬的忠粉，當年就連英文名都跟小豬一樣叫「Show」。今年5月，兩人於大馬音樂節同場，姜濤在後台睇小豬綵排，手舞足蹈勁興奮，小豬都有留言畀姜濤。今晚兩人有望同台演出，相信追星成功的姜濤一定好開心！
姜濤是多年的小豬粉絲，之前睇偶像綵排，已興奮到手舞足蹈，表示終於體會到「姜糖」平日的感覺。（IG@keung_show）
據知小豬今次香港行，是為姜濤尾場演唱會擔任嘉賓！（資料圖片/梁碧玲攝）