《十兄弟》10年後重拍  27歲張曦雯做阿媽:估唔到啲仔咁大個

撰文:
最後更新日期:

無綫將會在big big channel重拍《十兄弟》,女神張曦雯將會做阿媽。(Facebook圖片)

或者見Marvel 和DC英雄片太成功啦,科幻片題材有市,無綫亦想來分一杯羹,所以決定重拍《十兄弟》,上次拍《十兄弟》已是2004年由潘嘉德監製,Gordon同賤han還演父子,林文龍飾演陳大蝦、黎諾懿飾演千里眼。今次將會在Big Big Channel 以網劇形式播放,當年就由郭可盈當十兄弟母親,來到2017年就找來27歲張曦雯來飾演,早前還到横店拍攝預告片,她說:「第一次做媽咪,估唔到啲仔咁大個囉,10個仔其實大部份年紀大過我㗎,我90年出世㗎,但故事係神話故事嚟,無咩所謂啦,佢哋一出世就好大個,每一個都有super power!」無錯喇,就是Super power 今次無綫將《十兄弟》拍到好似X-MEN一樣,所以他們的造型都潮了,少了一陣娘味。

黃家樂飾演千里眼、謝東閔飾演順風耳,張曦雯飾演佢哋阿媽,但現實中兩位年紀都大過佢。(Facebook圖片)

首次飾演10個仔的母親,張曦雯都怕被人叫到老哂,她說,「佢地成日叫我做阿媽,我頭幾日叫佢哋唔好再叫我做阿媽,但佢哋無理,我之後都算喇,由佢哋叫我做阿媽啦,哈哈....」除了張曦雯外,《3日2夜》女神鄺潔楹都有份,她飾演大力三女朋友,她說:「我都有上去拍預告片,拍嗰陣幾有marvel感覺㗎。」嘩!Marvel《十兄弟》有得諗喎。

其實《十兄弟》這個題材,無論電視、電影都經常翻拍,04年那套《十兄弟》當年最高收視有39點,好勁㗎!而港產片1995年拍過,鍾鎮濤、張敏做十兄弟父母,羅家英飾演千里眼。

+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。