貝安琪認拍母親劉香萍執導電影有拗撬 苦笑：始終我哋都係人
撰文：吳子生
出版：更新：
導演劉香萍和女兒貝安琪今日（15/8）現身銅鑼灣出席其電影《100秒》發佈會。導演劉香萍接受《香港01》訪問時表示：「今次係我執導嘅第三套電影嚟，而呢套電影其中一位女主角就係貝安琪，份量好重磅。點解我要搵佢做呢套戲嘅女主，係因為佢演技好出色。（呢套戲係為女兒而設？）呢套戲係為咗香港政府疫情版融資方案而做，而家疫情都完咗，我好希望政府快啲加碼畀我哋開拍。」
貝安琪承認和母親劉香萍拍戲時會發生拗撬。（吳子生攝）
張達明和貝安琪合照。（吳子生攝）
問到貝安琪拍戲有否片酬？導演劉香萍笑說：「我梗係有啦，你話我有冇待薄你，你自己答。」身邊貝安琪苦笑說：「ok嘅！（同媽咪合作會唔會好多拗撬？）其實我同佢合作過好多次，呢啲事係會有發生，始終我哋都係人嚟。」劉香萍笑說：「佢本身係瑜伽大師嚟㗎，佢都知道點樣去教人哋，咁我哋好多時候都係磨練吓，變咗大家都有進步嘅。」
劉香萍和女兒貝安琪出席其電影《100秒》發佈會。（吳子生攝）