朱茵相隔13年再拍港劇　出演Viu新劇《反起跑線聯盟2》做女一

朱茵近年鮮有現身香港幕前，早前就算在內地發展，並甚少更新抖音、微博等社交平台。不過，原來朱茵好快就會同香港觀眾見面，事關喺MakerVille新劇《反起跑線聯盟2》中，朱茵將會以女一出演，同劇仲有周家怡、潘燦良、袁富華好戲之人。

喺《反》第一季中， 由梁詠琪（Gigi）擔任女一，並與強尼演夫妻，她為了劇中女兒「瑤瑤」張曦晨而轉當全職媽媽。但今次名單中，除由朱茵頂上梁詠琪之外，陳欣妍（Shirley）、Locker林家熙、梁業（肥仔）、練美娟等均都以原班人馬出演。

朱茵對上一次拍港劇，已經係2010年港台劇《沒有牆的世界：第三選擇》，她憑該劇獲提名角逐「國際艾美獎」的最佳女演員，雖未獲獎，但亦獲大會頒發證書及金獎，演技受到國際認同。相隔13年，再次拍港劇，確係值得期待。