炎明熹10月開個唱 不擔心影響學業：走堂呢樣嘢避得到就避
撰文：吳子生
出版：更新：
炎明熹（Gigi)今日（23/8）現身將軍澳電視城出席《炎明熹 Gi-FORCE 演唱會》記者會，並正式向外界宣布，她將於10月7日(星期六)，假九龍灣國際展貿中心 Star Hall，舉行入行以來首個個人演唱會。
炎明熹忘記了今年交多少稅款。（吳子生攝）
對於9月即將要學，加上又要為演唱會綵排練歌又練舞，Gigi表示不擔心會影響學業的進度：「其實嚟近9月係會開學，咁其寶大學方面都有時間畀我哋安排，而呢次亦係我第一次，咁所以我唔自己會唔會安排得好，但我都相信自己係會做到呢個事情，因為我喺中學嘅時候，既然都做到嘅話，咁所以大學我都會做到嘅。走堂呢樣嘢，如果避得到就避，如果避唔到，都要做到囉。有時候做功課同埋聽書未必可以喺現場聽咁好，但我會另一種方法去聽書。（知唔知今年交幾多錢稅？）呢個係交咗畀屋企人㗎。但佢哋有同我講過交幾多，但我就唔記得咗。」
炎明熹將於10月7日(星期六)，假九龍灣國際展貿中心 Star Hall，舉行首個個人演唱會。（吳子生攝）