莊子璇自爆因未揾到Intern而參選港姐：冇乜嘢做，就覺得可以試吓
撰文：金秀玲
出版：更新：
莊子璇（Hilary）榮獲《香港小姐競選2023》冠軍，無綫娛樂新聞台就去到她的家中採訪，她一入門已獲母親送上最愛的西瓜以及鮮花迎接，又一齊開香檳，莊子璇驚喜表示：「我見到都嚇親，啱啱講完想食水果就有水果喇！」收到花的她讚家人難得有儀式感。
莊子璇奪冠後，獲家人以水果和鮮花開門迎接。（電視截圖）
莊子璇與家人一同開香檳。（電視截圖）
莊子璇與媽媽、哥哥一同受訪，她指這數月來辛苦了家人，尤其哥哥每日車出車入，哥哥笑指其實自己比妹妹更緊張，更被母親爆料說他心跳暴升。之後三人講到莊子璇報名參選港姐的因由，原來是莊媽媽幾年來不停推薦，「我啲Friend嚟我屋企，話你個女咁靚點解唔選港姐呀？我18年問佢參唔參加，佢好似冇乜感覺，第二年我又問佢，佢好似旅行唔得閒，到今年我話你再唔去就年紀好大喇，跟住佢就報名。」
莊子璇與家人受訪。（電視截圖）
哥哥都有份推動她，而講到是什麼原因令莊子璇終於的起心肝步出參選一步，她便表示：「佢（媽咪）本身已經幫我填好晒所有嘢，爭撳嗰吓啫，我都好猶豫報唔報好呢？因為咁啱好今年我未搵到Intern（實習），冇乜嘢做，就覺得可以試吓，都係一個好好嘅經驗。」
莊媽媽是女兒參選的最大推手。
現修讀香港大學的食物及營養科學的莊子璇，怕醜表示自己今年答應參選，是因為未搵到實習工作。