蔡楓華成功衝出荃灣大會堂 11月文化中心連開兩場門票最貴呢個價
撰文：林得懿
出版：更新：
蔡楓華一年開兩次騷，仲由荃灣大會堂改去文化中心，Fans一定要支持。（資料圖片 ）
蔡楓華今年6月才剛完成兩場《情深永記演唱會（Part 2）》，日前他又宣布將會在11月開騷，而今次仲要衝出荃灣，去到尖沙咀交化中心！
全新造型 ！
蔡楓華每年都會在荃灣大會堂舉行演唱會，除疫情嚴竣時停辦了三年，2022年他在10月先舉行《情深永記演唱會》，8月個後，再次舉行part 2，4場門票全部爆滿。個唱中，蔡楓華曾表示有入紙申請紅館，但一直未獲批，今次成功申請文化中心，佢自己都話不容易：「這個場地及檔期在我而言是幾經艱辛才能獲得，同時此次演唱會後，相信要在一段長時間才會再舉辦演唱會，所以請大家不容錯過。」
蔡楓華有解釋文化中文呢場演唱會，原定2022年舉行，但因疫情關係取消。（資料圖片）
為咗今次個唱，蔡楓華棄用2017年沿用至今嘅海報以及造型，換上灰色cap帽、黑色皮褸內搭白色tee，再加上招牌黑超，型格十足！票價方面，同過往喺荃灣大會堂個唱差票多，最貴VIP飛為880元，另有680至280元5種票價可選。