【不懂撒嬌的女人】魏焌皓堅似江華 鐵仁唔滿意：轉咗髮型喇
撰文：黃梓恒
出版：更新：
劇集去到尾聲，魏焌皓愈來愈出位。（網上圖片）
《不懂撒嬌的女人》已經來到結果篇，一直追隨Mall姐的鐵仁戲份反而更多了，作為一隻兵仔一直在Mall身旁守候，更曾經說過：「我等咗四年，唔介意等多四年，你心裡面有無人我唔介意，我要留喺你身邊。」感動萬千少女，希望自己都有一個「鐵仁」在身邊。不過世事豈能盡如人意，Mall姐最終都係選擇嫁俾Gordon，呢隻兵仔唯有死咗條心。
單戀Mall姐可惜都係無結果。（網上圖片）
在劇中做兵，不過有型又有大隻的魏焌皓(Nathan)憑住一副標致的面孔已深得師奶和少女歡迎，我諗佢都未必需要在劇中一樣做兵仔咁戲劇性。就在這幾天戲份愈來愈多時候，開始有人發現他跟上一代的師奶殺手江華原來都幾似樣！《香港01》就找來Nathan問一問自己對個樣有咩睇法：「其實都有唔少人話過我似江華。由細到大都有唔少人話我似邊個邊個，不過就唔詳細講喇，始終話自己似邊個其實都幾肉酸。其實喺劇中個髮型都有唔少人唔滿意架，因為香港人可能唔太鍾意人中分，雖然我個頭係六四分，不過我而家都轉咗髮型喇。」其實似江華絕對係一個讚美，想當年江華拍古裝片可謂霸氣盡現，唔知Nathan會唔會向呢方面考慮呢？
睇落其實真係幾似。（網上圖片）
唔知大家又覺得似唔似呢？（網上圖片）
除咗靚仔，魏焌皓仲有一副好身材。（魏焌皓Facebook）
+3
當年江華做皇帝真係好有帝皇之相。（網上圖片）