颱風蘇拉｜任暟晴連人帶遮被強風吹倒受傷：成個人坐咗落地

《星夢傳奇2》冠軍任暟晴（Jasmine）今日（2/9）現身亞洲國際博覽館，出席《星光熠熠耀保良》籌款節目。Jasmine在接受《香港01》訪問時表示：「尋晚為咗呢個騷，我哋好多表演嘉賓係喺10號風球下，嚟到呢度綵緋，綵排緊嘅時候，我哋係感受唔到個風嘅威力，但當綵排完之後走嘅時候，就完全感受得到個風有幾勁。我坐公司安排嘅車走嘅時候，出面係大風大雨，我坐喺部車上，就好似坐喺架船度。當我到達屋企樓下，我就落車打開把遮，點知有陣強風吹埋嚟，我係連人帶遮被吹跌落地，我成個人坐咗落地，撞親個屁股，搞到成身都濕晒，呢啲體驗真係可一不可再。」