李佳芯獲網民票選「藝人做老婆」排行榜：唔通我有人妻feel ?
撰文：鄺鈺瑩
出版：更新：
李佳芯今日零晨才由日本返港，休息過後，現身時裝展。（陳順禎攝）
李佳芯今晚（6日）現身時裝展，Ali透露平時雖然因工作關係而買唔少衫，但多少都以著完再著，所以款式會盡量簡約，即慳家又環保。
Ali昨晚由日返港，此行是為了拍攝旅遊節目《日本18種住法》，由於周吉佩出發前曾表示恨與Ali在當地街頭賣藝，唱到Ali有否讓對方願望成真，她大賣關子表示：「佢真係去到邊都拎結他，不斷問我唱呢首得唔得，但有無唱就要留返節目開估。」Ali表示自己最得心應手始終是拍劇，但目前暫時仍未有劇在手。「綜藝都係挑戰，不過無所謂，公司安排我做咩咪做。」
Ali感謝網友對自己嘅支持。（陳順禎攝）
提到有網民喺討論區以「如果畀你揀一位藝人做老婆，你會點揀同點解？」為題出PO，Ali聞言後即問：「我又入咗榜？都係好事，唔通我有人妻feel ?都開心嘅，可能證明我夠賢淑，定係我年紀關係？不過都多謝網民，一直都對我好好，好似每次無論好同唔好嘅提名都會有我份。」