吳若希坐足月急會許廷鏗 產後修身準備復出？
撰文：何志衡
出版：更新：
吳若希笑自己呢個姿勢好怪，大家又點睇？
胡鴻鈞同許廷鏗不甘示弱，在ig貼圖兼留言，胡鴻鈞好抵死話：「吳小姐來勢胸…呀sorry來勢洶洶再次現身！」
吳若希(Jinny)上月23日誕下女兒Giselle後坐完月不久，似乎已準備好復工，她在facebook及ig貼相，見她現身在應該是studio的走廊，好友胡鴻鈞亦在ig透露要keep住將呢份自信帶上舞台，睇嚟本來預計9月才復工的Jinny已經準備好。
Jinny不時update自己近況及曬囡囡得意相，最新po的照片身穿灰色tee和藍色長裙的Jinny站在看來是studio的走廊，側身靠着牆，右手按住上衣和腹部，令上圍更顯突出，她卻自嘲：「唔知係咪太耐無擺pose影相…我覺得呢個pose既（嘅）上半身比例好怪~有無大師幫手p一p圖？」但仔細睇其實吳若希上身唔算怪，反而她蹺腳企令她看來得番一隻腳似乎更怪。
上次吳若希萬能key已令網友笑到好攰，今次竟然主動要求網友p圖，Jinny真係大膽！不過今次網友好錫住佢，暫時未見有惡搞圖出現之餘，很多網友讚她身材好，又祝她和囡囡健康愉快，只是有些網友笑她姿勢像很急要去廁所，算唔錯啦！
許廷鏗擺埋同Jinny同一個pose，還刻意谷起腹部，說自己練成了大肚神功。
反而許廷鏗同胡鴻鈞就發功笑Jinny，許廷鏗在ig貼上跟Jinny在同一地方拍攝的合照，相中許廷鏗叉腰扮大肚說：「當我以為我可以追上佢練成大肚神功時，她不知不覺已經冇練肚，位置練上左（咗）！」而胡鴻鈞就貼了張低炒相片，並貼文道：「吳小姐來勢胸…呀sorry來勢洶洶再次現身！」另加hashtag「keep住將呢份自信帶上舞台」似暗示Jinny可能為來緊的表演做綵排。
吳若希囡囡Giselle（淼淼）已經滿月，好可愛呀！
萬能key事件要數到前年，吳若希在《勁歌》頒獎禮做咗攝石人，之後被網友瘋狂改圖，甚至將她key到奧斯卡的經典大合照中。