王智德Alton快閃生日展打卡：受寵若驚，畢生難忘
撰文：林得懿
出版：更新：
Alton抽空快閃生日展。（林得懿攝）
Alton（王智德）本月21日33歲生日，後援會在尖沙咀舉辦《A.W IN THE UNIVERSE》展覽，主角Alton 昨晚（19日）快閃打卡，吸引大批蛋白粉到場。
Alton 對於自己被漫畫化感到十分好奇，不時拎出手機拍照留念。（林得懿攝）
講到生日願望，Alton表示希望大家都身體健康，另外又希望大家都心想事成。對於今次的展覽，他以「受寵若驚，畢生難忙」形容，表示每到生日，都會諗到底大家會為自己做甚麼，但又不敢有太大期望。「因為呢啲唔係必然，所以會平常心，但到見到咁嘅時候，同你講平常心都呃你啦。所以會用一個唔好自滿又好珍惜嘅心態，呢個係好難。」Alton又謂之前因疫情關係，未能與蛋白粉慶生，但現在慢慢往好的方向發展。「Enjoy我哋可以陪伴大家嘅時間，多謝大家。」
連蛋糕都係充滿漫畫Feel。（林得懿攝）