Edan呂爵安零投資心得 澳洲拍團綜寧著泳褲拒高空運動
撰文：鄺鈺瑩
出版：更新：
Edan呂爵安、蔡卓妍、林峯、朱鑑然、吳肇軒今晚（21日）現身時裝品牌發佈派對，場外雖然有大批爵屎（Edan粉絲），但林峯現身時，爵屎竟然唱起《愛不疚》。Edan接受訪問時，透露之前曾在飯局上見過林峯，大讚對方十分照顧後輩。
Edan吸金力強，但他未有作任何投資，連定期都無做。（葉志明攝）
提到MIRROR將到澳洲拍團綜，Edan雖然被嫌棄同房，但他完全無所謂：「唔知澳洲啲水壓係咪差啲，不過有Jeremy喺度，佢唔同房啫，我都可以叫佢幫手。我想同Jer同房，因為可以一齊打機，最唔想同Anson Lo同房，因為有鼻鼾。」Edan坦言去到澳洲只想嘆世界、咩都唔做，最怕被安排高空活動。「如果唔跳降傘，去游水曬肌我曬！（AK講咗講會）佢許下啲咁嘅承諾？佢嘅發言唔代表 12個人嘅立場。」
Edan寧願著泳褲都唔想玩高空運動。（葉志明攝）
講到好友陳零九之前曾代言JPEX，Edan希望對方一切安好，講到投資，Edan表示：「啲錢純粹擺銀行咩都無做，可能真係太忙，無咩心機去理，但準備去學。（買樓）又無，因為真係貴，所以就算想搬大啲都可能係租。」