企業強人｜李佳芯冇份入劇 網民大失所望：我個人比較隨遇而安
撰文：吳子生
出版：更新：
李佳芯（Ali)早前出席活動時透露將會與《白色強人》、《愛美麗狂想曲》的監製Marco羅永賢再度合作。月前由Marco羅永賢監製的新劇《企業強人》經已開拍，但Ali未有在演員名單之內，令一眾視迷大失所望，有網民社交平台留言：「還我Ali」
李佳芯狀態大勇。（胡凱欣攝）
今日（26/9）Ali現身上環出席品牌活動時，就事件接受《香港01》訪問時表示：「其實我個人比較隨遇而安嘅，因為我份人係比較被動，我又唔係嗰啲會去搵人，叫你哋畀嘢我做嘅人嚟，咁當然有工作畀我做，我一定會全力去做到最好。（《企業強人》話你有份做？）呢個我冇聽過。（驚唔驚啲人誤會你推劇？）其實嚴格嚟講，上次我推劇係因為我健康出現咗問題，嗰次仲係搞到爛面，咁所以就推咗。咁而家個身體已經康復完，一切都正常，如果有安排我都會去做。（網民好想見到你拍劇！）我一直都喺度，但都係要等公司安排，我都希望可以有劇拍到時再見到大家。」
李佳芯今日出席品牌活動。（胡凱欣攝）