四台聯播超級入屋　邊個咁威跑晒咁多間電視台？

香港四條免費頻道無綫電視、ViuTv、奇妙電視和RTHK31，雖然唔存在好惡劣嘅競爭氣氛，不過真係無乜幾個人可以喺呢個個電台同一時間有節目出。但其實少極都會有一啲特別嘅人存在，以自由人的身份穿梭各台，證明佢本身實在好有價值。

呢個人就係河國榮，近來又多了人注意他，因為近日他在Netflix的《戰爭機器》宣傳片中粉墨登場，為這套畢彼特主演的Netflix重頭劇做試鏡。片段出街後立即被網民瘋傳，大讚河國榮揚威國際，風頭實在一時無兩。不過其實除咗Netflix出鏡之外，原來河國榮仲有好多電視節目喺呢段日子同大家見面。

首先要講嘅緊係ViuTv做緊嘅《詭探》，雖然佢未出鏡，不過喺套劇入面都算係成日出現嘅角色，有唔少戲份。跟住喺近來飽受爭議的TVB劇集《蘭花刼》，當年河國榮仲喺TVB，嗰啲咩外國大使呀，洋人警察呀，基本上識講英文嘅角色都有佢份，戲份未必多，不過都叫有出現呀。之後仲有奇妙電視嘅綜藝節目《香港有寶證》做節目主持，星期日九點半就可以睇住佢帶大家行遍香港。除咗呢三個主流台，連香港電台在近兩個月播放的申訴專員公署劇集《申訴II》都有佢份，一個人做足四個台，真係夠晒入屋！