顏卓靈濕身耍棍 同白只拍住拖開工 扮武松齊齊「今晚打老虎」
撰文：許育民
出版：更新：
六月底上映的本土喪屍電影《今晚打喪屍》，是典型的本土製作，電影中有注入不少本地元素，令大家看得更投入親切。其中一幕，就講到自小在劇社長大的顏卓靈，對曲藝興趣甚濃，一直有跟吳家麗學師，強項更是扮演武松，還學埋耍棍，莫非係準備今晚打老虎呢？
雖然造型比較現代，但一睇都知係武松。
韻卓靈在戲中由吳家麗湊大，還教她演戲曲。
顏卓靈在戲中飾演真一，自細於粵劇社長大，後來到外國讀書，與吳家麗關係要好。家麗姐就守住這家傳粵劇社多年，可惜社會要發展，劇社要收樓，祖業面臨被逼遷。同一時間，真一從外地學成歸來，讀書時她加入了神秘組織，對香港出現喪屍圍城一事，手握重要情報，有可能是拯救整個城市的關鍵人物。
戲中其中一幕，顏卓靈要在烈日當空下，扮武松耍棍，由於服飾夠晒「足料」，兼且拍足3、4小時，又跳又轉，結果搞到平時精精靈靈的顏卓靈也大喊辛苦。鏡頭前英姿勃勃的她，鏡頭後拍到氣來氣喘。顏卓靈︰「為了今次鏡頭，我都惡補了幾小時耍棍，過往我沒有玩過粵劇，而今次還要在日曬雨淋的情況下拍攝，加上件褸同帽都不透氣，所以感覺好『正』。」
耍棍時，全程冇遮冇擋，仲要厚褸加頂帽，唔身水身汗至奇。
趁空檔排戲，更預男友白只一份，排都排得有心機。
問到顏卓靈首次跟男友白只同場合作，感覺如何？她表示感覺幾好，還可以互相學習。事實上就算平日不用開工，顏卓靈也會跟男友對戲、傾劇本，聽落有點悶。不過有得同情人一齊，安坐家中睇《蘭花刼》都夠浪漫啦。合作得這麼開心，問到可有希望再開續集？「雖然幻想不到續集的故事會如何發展，但我亦十分期待。」