薛家燕（家燕姐）今晚（9/10）以周星馳電影《食神》中「味公主」角色打扮現身灣仔會展出席《國際名廚慈善宴香港站2023》。家燕姐受訪時表示：「點解我會咁樣着呢，係因為早前我同三姐佢哋拍飲食節目，大家合作得好愉快，佢哋就邀請我參加今晚呢個慈善晚宴，佢哋仲話我如果能夠好似食神嗰個造型出席咁就更妙。於是我就即刻去安排，點知發覺套衫喺舊年嘅時候，已經捐咗出去，喺慈善義賣嘅時候，已經賣咗畀人。」

家燕姐續說：「於是我就透過負責義賣嘅嘅朋友，幫我搵到個買主，而呢個買主佢非常之後，佢知道我要以『味公主』造型出席慈善晚宴，佢就二話不說，就將套衫借畀我。咁所以今晚呢個食神造型，聽日就要還返畀人，計一計呢個角色都成20年。」