《三個女人一個「因」》面臨倉底危機? 黃智雯:又唔係鬥快

撰文:
最後更新日期:

《三個女人一個「因」》拍完將近一年。(黃智雯Instagram圖片)

原定5月28日見街的輕鬆喜劇《三個女人一個「因」》突然讓位,畀年資十年的《蘭花刼》脫塵而出,真的是反高潮。據知《蘭花刼》之後,TVB就安排晶哥新劇《賭城群英會》,幫觀眾護一護眼。有傳《賭》做完,就出重頭劇《同盟》並大造,開始TVB 50周年台慶劇的檔期,直到出年年頭。本來晶哥的《賭城群英會》疑似淪為倉底,拍完後一直都出唔到閘,直到6月中終於有位攝。不過,《三個女人一個「因」》變相就要滯後,目前為止都未有實際日子要出街,一不小心好易變做倉底劇。

兩人對劇集幾時出街睇法各異。(黃智雯Instagram圖片)

據知《三個女人一個「因」》的女主角黃智雯今次出盡十二萬分力拍,因為她在劇中有多重人格,同一時間可分裂成3個人格,做開正經、專業人士的她坦言擔心不能抽離。不過,劇集臨時下架,出街遙遙無期,真係有倉底危機喎!黃智雯說:「拍呢套劇真係好大挑戰,自己當然想畀觀眾睇到自己努力啦,但公司對劇集幾時出到街,都會有適當嘅計劃。我都想有人睇得到,但冚冚聲播一定係好咩?又唔係鬥快!都要講Timing嘅,時勢造英雄嘛!(幾時之內播最好?)唉!呢啲唔講啦!將來嘅嘢都唔知嘅!」

至於男主角袁偉豪,自《城寨英雄》之後,就未再見過佢有劇出街,最近他就忙於拍《棟仁的時光》,他聽到《三個女人一個「因」》似乎有排都未出街,面臨倉底危機,他說:「都唔太擔心嘅。」反而他非常力挺黃智雯:「佢今次做得好落力,好想大家可以睇到佢嘅成果。」他與黃智雯不同的地方,就是想劇集快啲出街,越快越好:「希望年中啦,八、九月我都ok㗎!」不過他都回歸原點:「都係睇公司安排。」

+3
+2

就快一年冇見過袁偉豪係電視啦!(黃智雯Instagram圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。