鍾培生早前宣布12月將會舉行《培生擂台無敵盃2023》，較早前亦已經召開記者會宣布拳賽人選，10月初邀請其中兩場參賽者，霍哥對周永恒、龍心對劉馬車出席記招，已經花生滿地。劉馬車近日自爆，打拳酬勞少得可憐，與對手酬勞有極大對比。

鍾培生是次豪擲千萬辦拳賽，有指霍哥收6位數酬勞出賽，周永恆就收5位數字酬勞決戰。另一場參賽者龍心曾在記者會表示，強調拳賽的酬勞一般，只是「夠水腳（路費）」而已。而劉馬車24日晚上開直播，大鬧係「好X度縮的有錢人」，見到網民留言話霍哥其實係收30萬時，劉馬車表示好驚訝「唔係呀嗎」，先爆自己得4位數酬勞，勁激氣覺得被人當咗傻仔，仲明言︰「就傻俾你睇」！