孟海設靈｜錢嘉樂陪伴走過生命最後一程：佢一路都好想戰勝呢個病
撰文：吳子生
出版：更新：
武打演員及動作指導孟海（孟景海）本月10日因病離世，終年65歲。喪禮今日（28/10）於大圍寶福山紀念館設靈，並採用佛教儀式進行，讓親友作最後悼念。下午約4時許錢嘉樂懷着沉痛的心情抵達靈堂致哀，他受訪時表示：「其實喺佢患病呢個時候，只係我哋幾個咁親密先知，而佢太太同我哋講，嚟探佢多啲講拍戲嘅嘢，佢會好開心，同埋精神啲，咁所以我哋一直都喺佢身邊陪住佢，鼓勵佢，而佢都好勇敢冇放棄過，佢好堅強，一路都好想戰勝呢個病，因為佢都好想起返得身，但奈何人生就係咁，唔係全部自己都可以控制得到，到最後我哋係陪住佢走埋人生最後一程。」
武打演員及動作指導孟海（孟景海）喪禮今日（28/10）於大圍寶福山紀念館設靈。（陳順禎攝）
錢嘉樂憶起同孟海的相處點滴感到痛心。（陳順禎攝）
被問到海哥有什麼心願未了？嘉樂續說：「我知道佢好想拍返一部代表到佢自己嘅動作電影，咁當然都係一個心願嚟，呢樣嘢我都係好想嘅，咁希望佢可以部住我哋一齊去做到呢樣嘢。大家都可以見到，我呢十幾年都冇喺外面開，咁樣先可以喺香港培育返香港嘅年青人。」
錢嘉樂透露孟海有心願未了。（陳順禎攝）