香港人在北京｜陳星妤被封「魔音2.0」 搵坤哥學唱歌：急救吓先
撰文：吳子生
出版：更新：
陳星妤日前為劇集《香港人北京》出席宣傳活動時，大開金口獻唱《灰姑娘》歌曲贏盡關注。尤其唱到「盡情愚弄我吧～我自行回家，沒有～」瀕臨走音邊緣，加上唱到高潮位「來年將生命美麗昇華」終於走音出事了。事後被網民封為「魔音2.0」
陳星妤今日出席劇集宣傳活動。（葉志明攝）
陳星妤今日（31/10）現身荃灣出席無綫劇集《香港人在北京》宣傳造勢活動，就未見再有開金口唱歌。她接受《香港01》訪問時表示：「其實今日有啲喉嚨痛，但就唔係因為上次唱完搞成咁，而係上次唱完之後，把聲更加性感咗，就係為咗之後唱其他歌，大家就有第二啲嘅感官嘅刺激囉。（好多人想聽你唱《灰姑娘》？）哈哈！好，我會努力啲。（會唔會苦練唱功？）會呀，約咗坤哥（吳業坤）去佢嘅音樂中心學吓唱歌，即刻去急救吓。（嗰日點解咁失策走音？）嗰日真係好緊張，而且又係我第一次，我緊張就會走音。不過出到嚟都幾得意，等我再練好啲先，希望遲啲會有機會畀大家聽唔同嘅版本。」
陳星妤今日出席劇集宣傳活動，傅嘉莉造型相當搶鏡。（葉志明攝）