史上最靚大馬林宣妤加入TVB 蔡思貝終於有勁敵
撰文：郭敏玲
出版：更新：
今屆中華小姐是近期比較養眼的一屆。（資料圖片）
TVB勝在有香港小姐，每年都會加入新血，劇集就可以多幾位靚女睇。不過，TVB近期已特別喜愛用某幾位女演員，一劇播完，另一套劇再接捧，「咦？乜又係你呀小姐！」，最佳人辦就是陳凱琳、蔡思貝，又或是一年有六劇都見到佢的劉佩玥。唔少網民都呻悶，究竟有冇新鮮感？其實只不過年代變遷，新生代都要蒲下頭，不過TVB又真係用人用得密咗啲嘅！
在TVB官方網頁中，已有她們的資料，代表她們正式成為TVB藝員。
余思霆靚相：
+5
林宣妤加入TVB，簡直是仙氣襲來。（林宣妤ig）
但是又不用灰心，TVB最近引進了兩位新血，就是今年國際中華小姐冠亞軍：余思霆及林宣妤，而TVB的官方網頁已經有兩人的資料，成為正式藝員。網民未必知道兩人是誰，已經夠晒新鮮感。冠軍余思霆被起底時，已見她經常來往香港玩，加上她勝出華姐之後，雖然觀眾重點放在她有冇整容，她同一時間都澄清了，並表示會考慮在香港發展，如今證明她想清楚，選擇加入TVB，起碼樹大好遮蔭，上星期的《Big Big Channel》發布會她已經開工。
至於林宣妤啦喎，她就是繼楊秀惠後，第二個來自吉隆坡的華姐加入TVB大家庭。早前參選時，一眾網民人肉搜索她，眼見她的精緻五官，表示她已經靚過晒所有TVB花旦，直呼靚到發光！而且馬來西亞向來盛產美女，例如林明禎、四葉草及李心潔等等，所以林宣妤在TVB應該非常剎食，至少TVB劇未來可以有得養下眼，兩人的爆紅條件都幾優厚。大家又覺得佢哋加入TVB會否帶來新景象呢？
林宣妤靚相：
+5
之前有人話華姐冠軍余思霆與台灣藝人小甜甜撞樣。（資料圖片）