隨懿深度行|高海寧跟黎諾懿大馬玩出火 因乜事要掩住心口
撰文:陳釗
出版:更新:
由黎諾懿主持的旅遊節目《隨懿深度行》,今晚(2日)播出的第3集,由女神高海寧(高Ling)擔任嘉賓,兩人齊齊玩轉位於馬來西亞南部的雪邦,高海寧坦言對旅程充滿期待:「我要今次旅程係舒服、歎、放鬆心情同埋吃喝玩樂!」
黎諾懿當然盡力滿足好友要求,兩人首先參觀下榻酒店,房間闊落舒服之餘,走出露台更可飽覽無敵大海景,高海寧大嘆猶如置身馬爾代夫!穿上靚靚露背裝、大晒玉背的高海寧,面對靚景表現興奮。之後兩人又玩了越野電單車,體驗「速度與激情」,想不到高海寧原來勁玩得,一邊開快車一邊興奮大叫,又不忘伸脷賣萌,大晒可愛童真一面。
今次旅程有動亦有靜,黎諾懿帶高海寧體驗傳統手工藝蠟染,高海寧透露:「我好鍾意畫畫,依家都學緊油畫,想開個畫展做善事。」塗色時看似雞手鴨腳的黎諾懿,最後製成品竟然十分出色,高海寧笑言:「估唔到佢咁有藝術細胞,可能係跟佢個仔學,佢之前唔係咁㗎!」之後兩人去到當地「天空之鏡」沙沙蘭海灘影靚相,兩人一時扮被風吹走、一時又大戰哥斯拉,最後更合力做出巴黎鐵塔反轉再反轉,玩得不亦樂乎。
在美食方面,兩人大歎忘不了魚和啤酒火鍋,遴迍的高海寧食魚時不小心將魚鱗掉落心口,她即時掩住心口露出害羞表情,非常可愛。另去得馬來西亞當然要食榴槤,高海寧更趁機澄清自己並非如傳聞中一樣十分愛吃榴槤:「其實係個美麗的誤會,有一次拍旅遊節目,有人問我鍾唔鍾意食榴槤,我話我媽都鍾意食,我就唔抗拒。大家知道我願意食榴槤後,就流傳成我好鍾意食榴槤!」
節目尾聲,兩人在沙灘一邊享受晚餐一邊欣賞火舞表演,高海寧觀賞時已投入度一百分,既擔心表演者安全問題,又忍不住被眼前的精湛表演吸引到尖叫連連;高海寧還獲邀參與火舞表演,事後她興奮地說:「當吓嘅感受係好投入、好開心,雖然我唔驚火,但都會緊張,有一種腎上腺素飆升感覺!」