萬千星輝賀台慶｜林正峰大陸開劇 趕返港武術排練：而家兩邊走
撰文：吳子生
出版：更新：
林正峰今日（6/11）現身將軍澳電視城出席無綫《萬千星輝賀台慶》武術項目排練。林正峰透露剛從內地趕返香港出席今次武術項目排練：「因為我而家都要喺深圳度拍《法證先鋒6》，咁所以我而家要兩邊走，如果我夾唔到佢哋排線嘅時間表，佢哋都好好，會畀啲片我去睇，然後我就去睇片練習，盡量緊佔住個進度。不過好多時間我都會同佢哋一齊練嘅，因為除咗呢個台慶項目要做之外，我都有綜藝節目要拍，咁所以一做完香港手頭上嘅工作，就要即晚返上內地繼續開工，變咗我而家都慢慢習慣咗呢個工作模式，雖然係有啲攰，但就唔係話攰到諗唔到嘢嗰隻，而係好充實嘅攰，呢種感覺以前未試過，變咗而家我係好唔想佢停，係一路長Keep，咁就好啦。」
林正峰為《萬千星輝賀台慶》武術項目排練。（陳順禎攝）
林正峰有份參演無綫新劇《法證先鋒6倖存者的救贖》。（陳順禎攝）