孔德賢考的士牌1 take pass 再學中型車手震：唔敢揸住個軚盤

孔德賢（Danny）今日（6/11）現身將軍澳電視城出席無綫《萬千星輝賀台慶》武術項目排練。Danny透露近日成功考獲的士車牌，同時報考中型駕駛牌照課程：「其實本身我都有私家同客貨車嘅車牌，點解我要考的士牌同中型貨車牌，係因為我同緊一個教車駕駛學院合作，變咗佢哋想我有晒所有類別嘅駕駛車輛牌照，咁所以佢哋係提供埋所有類別駕駛牌照課程畀我去報考，費用我係全免，嚟近我就要不停咁去操車。之前我去學中型車嘅時候，我上到車，我係唔敢揸住個軚盤，因為部車太大架，好多位我係望唔到 ，變咗要由教車師傅幫我手揸住軚盤控制部車，平時睇人好似揸得好容易咁，但原來到自己操控嘅時候，先發覺原來係咁難，因為揸大車，真係要好留神，萬一一個唔小心，真係好出意外搞出人命。」