余思霆到張景淳內地雞蛋仔舖撐場　舖頭貓「包迎賓」成吸客亮點

42歲的張景淳，憑著《愛．回家之開心速遞》跟呂慧儀組成CP，人氣高企，更食住個勢到內地開店賣雞蛋仔，雖然他返《愛．回家》無期，但生意就做到風生水起，經常跟好兄弟羅天宇和李興華一起睇檔，不時都會有TVB藝人探班，單是睇明星都物有所值，近日到了性感女神余思霆撐場，不過女神最開心都係見到舖頭貓，張景淳叫牠做「包迎賓」，余思霆全程同貓貓玩，開心到暈。