反黑2｜張建聲為搵返招積感覺停工一年 劇透與招積女有愛情發展
撰文：鄺鈺瑩
出版：更新：
張建聲因在《反黑》飾演招積一角而彈起，當時他為了拍續集瘋狂keep fit ，但由於疫情、劇本等問題，《反黑2》最終相隔6年才落實開拍，張建聲今午出席記者會時，心情十分興奮。「第一季用兩個月時間去準備招積，第二季⋯⋯我係停工一年，導演叫我賭一鋪，我由35歲等到40歲，增肥變瘦3次，身體機能差咗好多，今年身體係好差，但無辦法都係要變返5、6年前個樣，所以不停打拳、染金個頭幾次，就係唔想外觀上有太大出入。」
《反黑2》年底開拍，張建聲話要繼續減磅。（梁碧玲攝）
張建聲表示拍攝第一季時，由於未知會否有續集，所以放盡去做，所以得知要開拍第二季時，他花了一年時間搵返招積嘅瘋狂狀態，加上招積在劇中亦會成長，心理質素亦需調整。「外觀而家ready 8成，到12月開拍時要減多10至20磅。
他花了一年時間搵返招積嘅瘋狂狀態。（劇照）
張建聲劇透招積除咗同陳小春、陳國坤繼續鬥之外，亦將會有感情發展。「到底邊個可以匹配呢個痴線佬呢，真係要賣關子。（肥媽？）如果佢唔介意我都Ok！不過可以透露招積女係相當打得。」
張建聲十分期待再與思想負面兼痴線嘅招積交手。（梁碧玲攝）