反黑2｜陳國坤變大反派後勁冷血 預告老婆黃伊汶唔好受
撰文：鄺鈺瑩
出版：更新：
黃伊汶雖然客串性質出演《反黑2》，但亦十分期待。（梁碧玲攝）
《反黑2》落實開拍，陳國坤繼續同老婆黃伊汶飾演夫妻，不過由於陳國坤飾演嘅張Sir變節，所以今季黃伊汶嘅戲份較少。「因為佢加入咗社團嘛，所以返屋企時間比較少，我戲份唔多，咁會多啲時間湊仔。」黃伊汶婚後專心相夫教子，就算幕前演出也只與老公打孖上，陳國坤笑言：「佢話成日對住我太悶，想接觸小鮮肉，佢有咁嘅諗法，我當然叫導演安排少啲。」黃伊汶亦坦言自己頗享受湊仔，所以幕前工作交由陳國坤負責。
陳國坤、宋本中、陳小春。（梁碧玲攝）
講到今季劇情發展，由於陳國坤走上歪路，他透露最大受害者會是黃伊汶。「佢會慘啲，因為我做咗壞人會冷血啲，所以無咁愛佢，所以佢會辛苦啲，總之出親場都唔會好受。」
MC Jin。（梁碧玲攝）