臨近年尾，多位MIRROR成員相繼學車考車牌，柳應廷（Jer）早前率先成功更即購入名車「波子」代步。11月16日終於輪到Edan呂爵安考車，成功一take pass晉身P牌仔行列。

Edan一早在IG頻道錄音，垂頭喪氣聲線表示：「唉，肥咗佬。」當FANS紛紛安慰時即露出真面目，上載P牌興奮宣布：「唉，肥咗，塊面肥咗﹗輕輕鬆鬆1 take pass laaaa😆😆😆Edan哥喎😎😎😎附上圖3想玩Jer哥 jeremylaous ，唉都唔好玩嘅😕圖4: 臨考前阿Sir仲緊張過我😂😂😂😂😂爽！！🎉」Jeremy和Stanley分別留言問「係唔係買咗車啦？」圈中好友亦留言恭賀，網友更笑言留名等睇Edan買林寶堅尼代步。