倪晨曦每年聖誕節為家居佈置費盡心思 爆老公唔幫手：佢覺得好煩
撰文：吳子生
出版：更新：
倪晨曦（Elva）今晚（24/11）現身尖沙咀海旁出席聖誕樹亮燈儀式。Elva受訪時表示：「其實嚟近我已經開始準備佈置聖誕樹，因為我好鍾意聖誕節嗰種節日氣氛，而且每年我都會諗唔同嘅主題，舊年我係用紅色嘅主題，而今年我就會用白色嘅主題，佈置裝飾都係由我一手一腳做，而我老公係唔會做，因為每一次攞出嚟都係要好大工程，又要拆出嚟，又要攞好多配件，咁所以佢就會覺得會好煩。」
倪晨曦透露每年聖誕節必定會佈置家居。（梁碧玲攝）
Elva又透露下星期將會收到一棵真的聖誕樹，為佈置作準備：「記得喺舊年嗰陣時，買咗一棵聖誕樹，點知棵聖誕樹送到嚟係高到頂到天花頂，於是要人幫我剪短佢。其實之前我係用重用嘅聖誕樹，但我就攞咗返去公司度用，而我試過一年用真聖誕樹之後，發覺個氣氛好唔同，因為棵樹會發出香氣，咁所以我就想畀小朋友有一個經驗，可以感受一吓有棵聖嘅感覺會係點。」
倪晨曦今晚現身尖沙咀海旁出席聖誕樹亮燈儀式。（梁碧玲攝）