【愛‧回家】Venus鄺潔楹好討人歡心 樣靚有學識兼單身真荀盤

撰文:
最後更新日期:

《愛·回家之開心速遞》前晚發生一幕阿媽棒打鴛鴦的情節,話說做阿媽的滕麗名希望兒子將重點放在學業上,所以出計令到周嘉洛唔可以同鄺潔楹(Judy)一齊去澳門玩。作為虎媽的滕麗名真係好老土,個仔都已經讀大學仲唔放心佢去拍拖,不過現今香港地的確有很多這類型的虎媽存在,彷彿跟現今香港的情況背道而馳,重歸舊年代的思想。

為咗學業放棄愛情,從來都無一個絕對的對與錯。(網上圖片)

Judy自從拍完《3日2夜》之後便得到不少網民留意,點解?因為拍親呢個節目都會三點式上陣浸溫泉,點會無人留意呀?其實佢本來是TVB娛樂新聞台主播,被節目組睇中搵佢拍《3日2夜》,憑住十分特出的身材而被廣泛討論,繼而入埋劇組開劇。92年出生的她現在才24歲,樣甜身材正,仲喺美國讀完大學回流返嚟,各方面條件都真係頂呱呱,相信即使遇到虎媽奶奶都完全無問題。

當初入劇應該只屬短暫性質,不過可能反應好就有得繼續拍。(網上圖片)

+6
+5
+4

在劇中被棒打鴛鴦的Judy在接受《香港01》訪問時都好認同不讓求學時期的孩子拍拖是一種好老土的想法,她說:「其實我媽咪都會關心我識咩朋友呀,同咩男仔來往呀,我覺得都係出自關心。我自己就唔反對讀書時候拍拖,不過我就會同啲大個啲嘅人分享,但未必係父母,可能係哥哥呀表哥表姐嗰啲咁,因為自己有個大四年既哥哥,大家都幾close,佢亦都時不時關心我。從佢地口中可能會得到一啲佢地嘅經歷,會講你知讀書拍拖會係點,由佢地講讀書唔好太專注拍拖可能會有效啲。」

Judy表示中學時期媽咪都會唔俾佢同男仔出街。(鄺潔楹IG)

在劇中,Judy面對虎媽滕麗名都無任何反抗,只有乖乖地服從。那麼在現實中如果遇到男朋友的媽媽是虎媽又點算呢?她說:「咁我印象中我拍拖嗰陣男方嘅家長都幾鍾意我架,哈哈!因為我都算係一個有禮貌同埋識得哄長輩開心嘅女仔。如果真係遇到虎媽,其實都真係幾難入手,所以就更加要用個心去應付,要知道佢個心諗乜嘢。最緊要就係細心啲,例如天氣轉涼就叫佢著多件事,又或者行街見到佢鍾意食嘅食物會買俾佢。」人又靚又識哄人,估唔到Judy而家仲係單身,真係城中荀盤。

又靚又識哄人又單身,一定大把人追。(鄺潔楹IG)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。